A janë në kundërshti integrimi në BE me bashkimin kombëtar? Mendimi i shqiptarëve

Barometri i ka vendosur qytetarët e pyetur në studimin e fundit për Bashkimin Kombëtar edhe përballë pyetjes që vendos dy projektet madhore të shqiptarëve, integrimin në BE dhe Bashkimin Kombëtar.

“A mendoni se këto projekte bien në kundërshtim me njëri tjetrin?” është pyetja e Barometrit, të cilës i janë përgjigjur me “jo” shumica e të pyeturve në Shqipëri dhe në Kosovë.

Ata janë përkatësisht 51,5 % e të pyeturve në Shqipëri dhe 51,2 % e të pyeturve në Kosovë.

Ata që mendojnë të kundërtën: Pra që këto projekte kundërshtojnë njëri tjetrin, janë 33,9 % e të pyeturve në Shqipëri dhe 38,9 % e të pyeturve në Kosovë.

Barometri ka shkuar më tej, dhe ka pyetur me një tjetër nivel ata qytetarë që mendojnë se këto projekte kundërshtojnë njëri-tjetrin. Cilin do të preferonin nëse do të duhet të zgjidhnin mes tyre?

Shumica e të pyeturve në Shqipëri dhe Kosovë nga ata që mendojnë se këto dy projekte kundërshtojnë njëri-tjetrin, do të zgjidhnin Bashkimin Europian në vend të Bashkimit Kombëtar, nëse do të duhej të vendosin përballë një zgjedhje të tillë.

Përkatësisht ata përbëjnë 75 % e të pyeturve në Shqipëri dhe 71,9 % e të pyeturve në Kosovë.

LEXONI GJITHASHTU: 

• Pasivizimi i adresave të shqiptarëve në Veri, deputeti Shaip Kamberi takon Lajçak
• Turizmi nxit çeljen e bizneseve/ Gjirokastër, kryesojnë shërbimet dhe akomodimet