A janë të vaksinuar? Deputetët përgjigjen për Euronews Albania

Euronews Albania pyeti në hyrje të parlamentit disa nga deputetët shqiptarë për të mësuar nëse e kanë kryer vaksinimin kundër COVID-19.

Në intervistat e realizuara nga gazetarja Denada Lura, një pjesë e madhe e deputetëve përgjigjen se janë të vaksinuar me të dyja dozat.

Deputetë si Xhelal Mziu apo Luçiano Boçi përgjigjen se vazhdojnë të ushtrojnë të drejtën e hyrjes në parlament me test PCR.

Sipas rregullores deputetët e pavaksinuar duhet të paraqesin para çdo seance provën se nuk janë të infektuar me COVID-19. Parlamenti synon vaksinimin e detyruar të ligjvënësve për të garantuar mbarëvajtjen e punës së legjislativit në kohë pandemie.

Qeveria ka ngushtuar gjithashtu mundësitë e pjesëmarrjes në auditore për studentët duke i orientuar ata drejt vaksinimit.