A ka përplasje mes Ali Ahmetit dhe Albin Kurtit? Analisti jep detajet

Albert Musliu analist nga RMV komentoi në një intervistë për Euronews Albania ndërhyrjen e Albin Kurtit në zgjedhjet në RMV duke u rreshtuar në krahun e opozitës.

Musliu tha se nëse Kurti ka një ndikim tek aleanca për shqiptarët kjo nuk do t’i shërbente aspak shqiptarëve në RMV.

“Ministri i Ali Ahmetit, Bujar Osmani organizoi një takim të shkëlqyer në Ohër për t’i dhënë zë kauzës së Kosovës. Nuk e di a ka një përçarje mes tyre, por nuk besoj të ketë ndikim të madh. Nëse Kurti ka ndikim të Aleanca për Shqiptarët do ishte keq, na duhet konsolidimi i subjekteve shqiptare në RMV. Ishte një ndërhyrje e pamatur në këtë moment, ne kemi motiv për t’u gëzuar për zgjedhjen e Talat  Xhaferit për t’u forcuar së brendshmi”, tha analisti.

LEXONI GJITHASHTU:

• Liderët e partive shqiptare të Maqedonisë së Veriut priten nga Kurti në Prishtinë
• A do të ketë Kurti kandidatë në Maqedoni të Veriut? Flet kreu i opozitës shqiptare