A mund ta bllokojë Greqia integrimin e Shqipërisë? Varhelyi flet nga Tirana

Komisioneri i Zgjerimit, Oliver Varhelyi, u pyet gjatë konferencës së përbashkët me kryeministrin Rama në lidhje me mundësinë e një bllokade greke për sa i përket proceseve integruese.

Varheleyi tha se së shpejti Shqipëria pritet të hapë grup-kapitullin e parë të negociatave. Ai shtoi se progresi i Shqipërisë është për t’u vlerësuar dhe këshilloi shtetin grek se për të ndërtuar një marrëdhënie të mirë me fqinjin nuk duhet ta ndalojë të ecë përpara.

“Unë mendoj që veprat tuaja e kanë treguar çfarë keni arritur. Mos harroni ku ishit në vitin 2019 dhe ku jeni tani. Unë nuk mendoj se ka në Bruksel njerëz që nuk nien dakord për këto arritje. Ne jemi të dakordësuar që Shqipëria të hap negociatat për grup-kapitullin e parë.

Nuk mund të ndërtohen marrëdhënie të mira me fqinjin nëse t’i e bllokon fqinjin të ecë përpara. Gjithsesi ne po përpiqemi të ndihmojmë dhe në muajt në vijim do të kemi konferencën ndërqeveritare që të kalojmë te negociatat e vërteta. Sepse ne dëshiropjmë të hapim negociatat për grup-kapitullin e parë që janë “Të drejtat themelore” dhe “Sundimi i ligjit” dhe aty t’i diskutojmë këto të drejta pasi të jenë hapur negociatat”, tha Varhelyi.

LEXONI GJITHASHTU:

• Nga korsitë e gjelbra te interneti falas, Varhelyi: 4 pikat e firmosura në Tiranë
• Plani i rritjes ekonomike, Rama: Platformë kyçe për përshpejtimin e hyrjes në BE