Plani i rritjes ekonomike, Rama: Platformë kyçe për përshpejtimin e hyrjes në BE

Tirana mirëpriti sot Samitin Rajonal mbi Planin e Rritjes dhe Konvergjencës me fokus integrimin e Ballkanit Perëndimor drejt Bashkimit Europian, si edhe zbatimin e Planit të Rritjes për Ballkanin Perëndimor.

në konferencën e përbashkët për shtyp me komisionerin për zgjerimin, Oliver Varehelyi kryeministri Edi Rama e cilësoi planin e rritjes ekonomike të BE për 6 vendet e Ballkanit Perëndimor si platforma kyçe që do të përshpejtojë procesin e hyrjes në BE.

“Plani i rritjes ekonomike është faktikisht një nismë e konceptuar jashtë kornizave. Ky është rezultati i dialogut, Është rezultat i nxitjes nga ana jonë për t’u dëgjuar për t’u kuptuar sa i takon vështirësive tona, argumenteve tona dhe ideve tona. Falë shkëmbimit të pikëpamjeve kemi arritur këtë objektiv të rëndësishëm për të futur në integrim diçka re që mund të na çojë në një nivel tjetër shumë shpejt. Plani i ri i rritjes është një platformë kyçe për të përshpejtuar hyrjen tonë në BE. Është një instrument që do ta bëjë këtë proces të prekshëm për njerëzit”, tha Rama.

LEXONI GJITHASHTU:

• Analisti: Rama e bëri Vuçiç fuqi kryesore në rajon
• “Pse kaq bujari me Italinë”? Rama replika me gazetarin italian për “Emigrantët”