A shërohet gërhitja? Mjeku: Pyetje 1 milion dollarëshe

Mjeku otorinolaringolog, Tedi Minarolli thotë se shërimi i gërhitjes, varet nga disa faktorë të ndryshëm.

Në emisionin “Good Morning Albanians” në Euronews Albania, Minarolli u shpreh se kjo ka të bëjë me anatominë e vetë njeriut, por edhe me mënyrën e tij të jetesës.

“Gërhitja është një gjë shumë e zgjeruar, shumë e shpeshtë. Çdo person e ka ndjerë gërhitjen ose ka gërhitur, është evidente. Personatqë gërhasin, përgjithësisht kanë probleme me rugët e sipërme të ajrit. Gërhitja vjen nga një lloj kolapsimi ose një ngushtim i rrugëve të sipërme ajrore, që në një mooment të caktuar turbulojnë dhe është zëri i gërhitjes.

Është shumë e shpeshtë. Kjo është një pyetje 1 milion dollarëshe. Varet nga shumë faktorë, faktorët janë shumëtë ndryshëm, që nga anatomia e personit, që është individuale, deri tek problemet shëndetësore që janë; bllokimet e hundës, rrugët e fytit dhe faktorë si mbipesha dhe të tjera që kanë të bëjnë me duhanin dhe alkoolin “, theksoi ai.