Abazoviç, brenda apo jashtë qeverisë? Gjeka: Ende të acaruara marrëdhëniet me Spajiç

Në Malin e Zi pritet të krijohet qeveria e re, menjëherë pas fitores kreu i Lëvizjes Europa tani në një deklaratë duket se e ka përjashtuar mundësinë e krijimit të një koalicioni me Lëvizjen Ura, të Dritan Abazoviçit, por nuk ka përjashtuar Partinë Demokratike, me të cilin Abazoviç ishte në koalicion.

Pikërisht për të folur për këtë ishte i ftuar në një intervistë për Euronews Albania ministri i Drejtësisë dhe të Drejtave të Njeriut dhe të Pakicave, Fatmir Gjeka, sipas tij marrëdhëniet mes Spajiç dhe Abazoviç janë ende të acaruara.

“Është një kacafytje mediatike që ka ndodhur pak para zgjedhjeve dhe vazhdon pas zgjedhjeve mes fituesit të zgjedhjeve parlamentare Europa Tani dhe Urës, është marrëdhënie pak e acaruar dhe nuk ka ende qetësim. Ne nuk kemi asgjë kundër që sa më shumë përkrahje të ketë qeveria nuk është gjë e keqe, por rëndësi ka që shteti të funksionojë dhe të kemi prioritet anëtarësimin në BE.

LEXONI GJITHASHTU:

• “S’është vetëm Kadastra e Vlorës, por e Tirana”, Begaj: Jam sulmuar se kam folur…
• Zvicër/ Arrestohen 6 adoleshentë protestave të frymëzuara nga trazirat në Francë