Abazoviç: Mali i Zi mbështet dialogun Kosovë-Serbi, jemi të gatshëm për bashkëpunim

Kryeministri i Malit të Zi Dritan Abazoviç nga Podgorica tha se vendi i tij mbështet dialogun Kosovë-Serbi, teksa në Bruksel sot zhvillohet takimi Prishtinë-Beograd.

Në fjalën e tij ai tha se janë të gatshëm për bashkëpunim ndërsa shtoi se plani franko gjerman është më i mirë për Kosovën por dhe për Serbinë.

Më tej ai tha se duhet të ecet në bazë të këshillave të ndërkombëtarëve.

“Ne sot e kemi nisur një mesazh që jemi të gatshëm për bashkëpunim. Mali i Zi e përkrah dialogun Kosovë-Serbi. Mendoj se plani franko-gjerman është një plan i mirë. Ne duhet të bashkëpunojmë me shtetet e ndryshme për të ardhmen tonë. Jam i sigurt se të gjithë do kemi fitim nëse bëhet çka kërkon faktori ndërkombëtar, populli e të gjithë banorët. Të gjithë do të jenë në humbje nëse vazhdohet kështu siç është tani”- tha ai.

LEXONI GJITHASHTU: 

• Pamjet e aksidentit të rëndë në Tiranë, momenti kur urbani merr para Porsche-n
• Abazoviç: Ndërtimi i urës mbi Bunë do lidh dy vendet, por do ndihmojë dhe në turizëm