Euronews Albania ka mundur të sigurojë pamjet e aksidentit të shumfishtë në Tiranë.
Siç shihet dhe nga pamjet e mësipërme, autobusi përplaset me një automjet luksoz të tipit “Porsche”, i cli futet papritur në korsinë e emergjencës.
Në aksident u përfshinë 10 automjete dhe u plagosën 9 persona, përfshirë drejtuesin e mjetit tip Porsxhe, shoferin e autobusit, si dhe drejtues të mjeteve të tjerë dhe pasagjerë në urban.
Policia bën me dije se janë dëmtuar shtetasit: A. Xh., 63 vjeç, (drejtuesi i autobusit), M. S., 35 vjeçe; G. P., 27 vjeç dhe V. P., 27 vjeç; O. G., 52 vjeç dhe J. C., 31 vjeçe, D. N., 27 vjeç, K. A., dhe E. H., të cilët ndodhen nën kujdesin e mjekëve.
Ndërkohë policia njofton se pas testit të alkoolit, drejtuesi i autobusit nuk ka rezultuar nën efektin e pijeve alkoolike.
Në vendngjarje ndodhen shërbimet e ambulancës dhe shërbimet e Policisë. Grupi hetimor po punon për zbardhjen e rrethanave të aksidentit.
LEXONI GJITHASHTU:
- Çfarë e shkaktoi aksidentin e shumfishtë në Tiranë? Flet shefi i qarkullimit
- “Autobusi ishte shpejt”- Shoferi rrëfen dinamikën e aksidentit në Tiranë
- Mjeti luksoz i “ndarë më dysh” te Tajvani, pamje nga aksidenti i rëndë në Tiranë