“Autobusi ishte shpejt”- Shoferi rrëfen dinamikën e aksidentit në Tiranë

Një prej drejtuesve të automjeteve të përfshirë në aksidentin e shumfishtë në Tiranë, ka rrëfyer dinamikën e përplasjes së 11 automjeteve.

Ai pohoi përpara kamerave se ndodhej në automjetin që u godit nga mbrapa nga autobusi.

Ai theksoi se kishte ndaluar në semafor në momentin që u godit dhe ka dëgjuar zhurma të mëdha, për shkak të përplasjes së mjeteve të tjera.

Sipas tij autobusi ishte duke qarkulluar me shpejtësi të madhe.

“Quhem Ilir, isha vetëm në automjet. Nuk di si të jua them çfarë ndodhi. Ndodhi shumë shpejt, dëgjova zhurma, isha me semafor të kuq i ndaluar. Autobusi më goditi nga pas, nuk e di se çfarë do të kishte ndodhur po të mos kisha frenuar. Nuk kishte makina para meje. Unë mbaj mend që zhurmat erdhën nga mbrapa. Autobusi ishte në ecje, ishte shpejt. Momentin e goditjes dolëm dhe mora pak veten sepse nuk e kuptova se çfarë ndodhi. Mesa pashë unë kishte shumë njerëz të lënduar”, tha ai.

Si pasojë e aksidentit kanë mbetur të lënduar 6 persona të cilët janë transportuar për të marrë kujdesin e nevojshëm mjekësor te Trauma.

LEXONI GJITHASHTU: 

• Mjeti luksoz i “ndarë më dysh” te Tajvani, pamje nga aksidenti i rëndë në Tiranë
• Autobusi i “Unazës” përplaset me disa mjete, raportohet për disa të lënduar
• Aksidenti i rëndë i urbanit në Tiranë, policia jep detaje mbi të plagosurit