Një tjetër rast abuzimi seksual është zbuluar së fundmi në Kavajë, ku një e mitur 15-vjeçare dyshohet se është përdhunuar nga babai i saj 48-vjeçar.

E mitura fillimisht ka komunikuar me psikologen e shkollës për abuzimin nga babai. Para grupit hetimor 15-vjeçarja pohon se abuzimi vijonte prej 4 vitesh në momentin kur nuk kishte njeri.

Ndër të tjera ajo ka deklaruar se babai i saj e ka kërcënuar me jetë në rast se do të tregonte.

48-vjeçari me iniciale B. R. akuzohet për veprën penale “Marrëdhënie seksuale ose homoseksuale me të mitur”.

Para hetuese ai ka mohur pretendimet e së bijës duke mos pranuar asgjë.

Gjithashtu në pyetje është marrë edhe nëna e të miturës e cila është shprehur se nuk ka pasur dijeni dhe nuk ka dyshuar ndonjëherë tek bashkëshorti i saj.

Do të jetë ekspertiza mjeko-ligjore për të kuptuar nëse e mitura është abuzuar apo jo.

LEXONI GJITHASHTU:

• Arrestohet 48-vjeçari, dyshohet se abuzoi me vajzën e mitur gjatë 4-viteve të fundit
• “Nga orgjitë, te shpërndarja e videove”- Çfarë u gjet në telefonin e mjekut Hasi