Arrestohet 48-vjeçari, dyshohet se abuzoi me vajzën e mitur gjatë 4-viteve të fundit

Një 48-vjeçar është arrestuar nga policia e Kavajës pasi dyshohet se ka kryer marrëdhënie seksuale me vajzën e tij të mitur.

Sipas policisë, kallëzimi në polici është bërë nga vetë vajza 15-vjeçare e shtetasit me inicialet B.R., e cila ka deklaruar përballë uniformave blu se është abuzuar seksualisht nga i ati për 4 vitet e fundit.

Grupi hetimor dhe policia po vijon punën për zbardhjen e plotë të ngjarjes.

“Shërbimet e Komisariatit të Policisë Kavajë, pas kallëzimit nga një shtetase 15 vjeçe, se babai i saj kishte kryer marrëdhënie seksuale me të, gjatë 4 viteve të fundit, menjëherë kanë organizuar punën për verifikimin e këtij kallëzimi dhe arrestimin e autorit.

Si rezultat i veprimeve të para hetimore, u vu në pranga shtetasi B. R., 48 vjeç, banues në Golem, për veprën penale “Marrëdhënie seksuale ose homoseksuale me të mitur”, thuhet në njoftimin e policisë.

LEXONI GJITHASHTU:

• Mjeku Hasi në arrest për abuzim seksual/ KMSH: Akte të ulëta, strukur pas besimit
• “Nga orgjitë, te shpërndarja e videove”- Çfarë u gjet në telefonin e mjekut Hasi