Injeksione Ozempic false janë identifikuar në Bashkimin Evropian dhe në Mbretërinë e Bashkuar duke ngjallur kështu shqetësim te qytetarët, jo vetëm aty por edhe në vende të tjera.

Ornela Adem, Këshilluese Shkencore nga EMA e ftuar në emisionin “Good Morning Albanians” në Euronews Albania, është shprehur se këto ilaçe janë shitur lirë në depot e farmacive shpërndarëse.

Më tej ajo theksoi se përdorimi i këtij ilaçi mund të ketë efekte anësore shumë të dëmshme tek ata që e përdori.

“Nga informacioni që kemi këto ilaçe janë shitur më lirë nga depot e farmacive shpërndarëse. Ndërsa përsa i përket efekteve që kanë, ne nuk jemi në dijeni ende të efekteve. Duhet bërë shumë kujdes. Rasti më i mirë, këto kanë një mbushje që nuk kanë asnjë lloj efekti te pacienti por më e keqja është se ata rrezikojnë të kenë efekte anësore të lehta deri ato më të dëmshme. Është shumë e rëndësishme që të tregohet kujdes”-tha ajo.

LEXONI GJITHASHTU: 

• “Mendoja vetëm si të mbijetoj, asgjë tjetër” – Amerikani që shpëtoi nga terroristët
• “Drejtësia prek edhe Berishën”, Iljazaj: Pushtetarët e kësaj qeverie janë trembur