Adrian Civici: Pjesa më e madhe e të punësuarve në vend nuk do të tatohen

Në emisionin “Now”, rektori i Universitetit Mesdhetar, Adrian Civici tha se vendimet kryesore financiare që po merren nëpër botë, lidhen me lehtësimin e ngarkesës fiskale për punën dhe shtimin e ngarkesës fiskale dhe kontributit nga prona dhe kapitali.

Kjo gjë ka filluar të ndodhë edhe në vend, sipas z. Civici, me masa si heqja e tatimit për pagat nën 40.000 lekë. Ai theksoi se me anë të kësaj mase, pjesa më e madhe e të punësuarve në vend, nuk do të paguajnë taksa.

“Edhe në po e ndjekim këtë, pasi pagat deri në 40000 mijë lekë nuk do të kenë asnjë tatim për të paguar për të ardhurat, ku janë rreth 280.000 mijë të punësuar”, tha z. Civici.

Ai sugjeroi se duhet zgjidhur si duhet ekuilibri midis ngarkesës fiskale dhe kontributit të pjesës së pronës, kapitalit dhe punës, për të lehtësuar ngarkesën e punës dhe për të shkarkuar një pjesë të këtij kontributi te kapitali dhe prona.

LEXONI GJITHASHTU:

• Ish-ministrja e Financave, Denaj: Vijmë nga një recesion me -4%, ekonomia në rritje
• Selami Xhepa analizon ‘retorikën e qeverisë mbi tatimin e të pasurve’