Gjykata Themelore e Prishtinës ka rrëzuar akuzën e “keqpërdorit të detyrës zyrtare“ për katër ish-ministra të qeverisë së Kosovës, për çështjen e njohur si “Afera e Hidrocentraleve”.

Gjykata Themelore në Prishtinë ka liruar nga akuza ish-ministrat: Mimoza Kusari Lila, Nenad Rashiç, Besim Beqaj dhe Dardan Gashi, raporton Radio Europa e Lirë.

“Ata janë liruar nga akuza, pasi që gjykata nuk ka gjetur prova se të njëjtit kanë kryer veprat penale për të cilat janë akuzuar nga Prokuroria Speciale e Republikës së Kosovë”, thuhet në njoftimin e Gjykatës Themelore, më 8 nëntor.

Në prill të vitit 2020, Prokuroria kishte ngritur aktakuzë kundër 19 personave, përfshirë edhe ish-ministrat, në atë kohë ku qeveria udhëhiqej nga ish-kryeministri Hashim Thaçi.

Sipas aktakuzës ata njëzëri kishin votuar që hidrocentralet të cilat prodhojnë energji elektrike si: hidrocentrali i Lumbardhit, hidrocentrali në Burim, Hidrocentrali i Radavcit dhe hidrocentrali “Dikance”, të transferohen tek Kompania Kosovare të Distribucionit dhe Furnizimit me Energji Elektrike (KKDFE) dhe më pas të privatizohen nga kompania “Limak-Calik”.

Sipas organit të akuzës, dëmi tjetër i shkaktuar nga personat e akuzuar është është vlera e investuar (shtuar) në hidrocentrale prej 12,628,166.41 euro, që nuk përfshinë vlerën e aseteve para koncesionit, sepse, sipas prokurorisë, KEK-u nuk ka bërë regjistrimin dhe nuk ka prezentuar vlerën e aseteve para privatizmit.

LEXONI GJITHASHTU:

• Abdixhiku: Çdo situatë që krijohet pa koordinimin e aleatëve, përgjegjësi e Kurtit
• Abdixhiku: Kërkojmë koordinim me aleatët tonë për të stabilizuar situatën në vend
• Memli Krasniqi: PDK mbështet Kurtin për vazhdimësinë e sovranitetit në veri