Agresioni në Lindjen e Mesme, sulmet izraelite vrasin edhe 50 banorë të Gazës

Të paktën 50 palestinezë të tjerë u vranë në sulmet izraelite në Rripin e Gazës, duke e rritur numrin e përgjithshëm të vdekjeve që nga 7 tetori i kaluar në 40,223, tha të mërkurën Ministria e Shëndetësisë në enklavën e shkatërruar nga lufta.

Një deklaratë e ministrisë shtoi se rreth 92,981 të tjerë janë plagosur në sulmin në vazhdim.

“Forcat izraelite vranë 50 njerëz dhe plagosën 124 të tjerë në katër “masakra” të familjeve në 24 orët e fundit”, tha ministria.

“Shumë njerëz janë ende të bllokuar nën rrënoja dhe në rrugë pasi shpëtimtarët nuk janë në gjendje t’i arrijnë ata,” shtoi ajo.

Izraeli ka vazhduar ofensivën e tij brutale në Rripin e Gazës që nga 7 tetori 2023 pas një sulmi të Hamasit, pavarësisht nga një rezolutë e Këshillit të Sigurimit të OKB-së që kërkon një armëpushim të menjëhershëm.

Mbi 10 muaj nga lufta izraelite, pjesë të mëdha të Gazës qëndrojnë në gërmadha mes një bllokade gjymtuese të ushqimit, ujit të pastër dhe ilaçeve.

LEXONI GJITHASHTU:

• Irani: Hakmarrja ndaj Izraelit për vrasjen e Haniyeh mund të marrë kohë
• Armëpushimi në Gaza ende larg, sulmet izraelite vrasin 52 persona