Aksident i rëndë në Berat, motori përplas turisten nga Nepali

Një aksident i rëndë ka ndodhur të mërkurën në qendër të qytetit të Beratit, tek Ura e Varur.

Një motor me targa BP 293, duke qarkulluar nga ulliri në drejtim të Urës së Goricës, ka goditur një turiste 33-vjeçare nga Nepali që po kalonte nga njëra anë e rrugës në tjetrën, e shoqëruar nga disa turistë të tjerë.

Përplasja ka qenë aq e fortë, saqë turistja dhe drejtuesi i motorit, E.Z, 20 vjeç, janë përplasur në asfalt të plagosur rëndë. Ata janë transportuar fillimisht drejt Spitalit Rajonal Berat, ku pasi kanë marrë ndihmën e parë mjekësore janë transportuar drejt Spitalit të Traumës në gjendje të rëndë.

Në vendngjarje kanë shkuar forca të shumta policie, që po kryejnë këqyrjen e vendngjarjes për të konkluduar në shkaqet e aksidentit të rëndë.

LEXONI GJITHASHTU:

• Aksident i rëndë në Librazhd-Elbasan, vetura përplaset me kamionçinën
• EMRI| U aksidentua teksa punonte në minierën e Bulqizës, humb jetën 60-vjeçari