Rëndohet bilanci i aksidentit në Durrës, humbin jetën dy fëmijë

Një aksident i rëndë është regjistruar këtë të diel në lagjen nr.15 në Durrës.

Sipas informacioneve paraprake, mësohet se një automjet ka përplasur për vdekje një fëmijë 8 vjeç, ndërsa një tjetër ka humbur jetën gjithashtu.

Drejtuesi i automjetit, i identifikuar si Nikoll Radaçi i cili është banor i zonës, u arrestua nga policia.

Njoftimi i plotë i policisë:

Rreth orës 14:20, në lagjen nr. 15, në Durrës, një automjet i drejtuar nga shtetasi N. R., rreth 57 vjeç, ka aksidentuar tre fëmijë të mitur, të moshës rreth 10 vjeç.

Si pasojë e aksidentit, dy prej të miturve kanë humbur jetën, ndërsa i mituri tjetër është në gjendje të rëndë dhe po transportohet për ndihmë më të specializuar në Tiranë.

Drejtuesi i automjetit është shoqëruar në Komisariat për veprime të mëtejshme.

Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.