Aksident i rëndë në Gjirokastër, plagoset një person

Një aksident rrugor është regjistruar mëngjesin e kësaj të marte, rreth orës 08:00, në aksin “Kakavije-Gjirokastër”, në afërsi të vendit të njohur si “Ish-SMT”.

Sipas informacioneve paraprake nga policia, një automjet me drejtues shtetasin K. F., 63 vjeç, banues në Dropull, është përplasur me një motomjet, që drejtohej nga F. K., 43 vjeç, banues në fshatin Lazarat.

Si pasojë e përplasjes, është lënduar drejtuesi i motomjetit, i cili ndodhet nën kujdesin e mjekëve në Spitalin Rajonal të Gjirokastrës. Mësohet se 43-vjeçari është jashtë rrezikut për jetën.

Drejtuesi i automjetit është shoqëruar në komisariat për veprime të mëtejshme procedurale.

Grupi hetimor vijon punën për të zbardhur shkaqet dhe rrethanat e aksidentit.

LEXONI GJITHASHTU:

• Pësoi aksident teksa po largohej, si u arrestua autori i atentatit me dy viktima
• Aksident në aksin Lezhë-Shkodër, përplasen dy mjete, njëri del nga rruga