Aksident i rëndë në Pogradec, makina i pret rrugën dhe përplas motorin

Një aksident i rëndë ka ndodhur paraditen e kësaj të hëne në aksin rrugor Korçë-Pogradec.

Ngjarja ka ndodhur në kryqëzimin e fshatit Leshnicë, ku një makinë ka përplasur një motor duke lënë të plagosur motoristin.

Burime pranë vendit të ngjarjes bëjnë me dije se drejtuesi i motorit ka qenë duke udhëtuar nga Pogradeci në drejtim të fshatit Çërravë ndërkohë që mjeti po vinte nga Çërrava në drejtim të fshatit Leshnice.

Duket se ka qenë një manovër e gabuar e drejtuesit të mjetit ajo çfarë ka sjellë dhe aksident, pasi ka kërkuar të kalojë nga korsia e tij në korsine e kundërt për të hyrë në fshatin Leshnicë.

Kjo ka bëë që makina t’i presë rrugën motorit dhe të shkaktohet aksidenti. Motoristi është dërguar me urgjencë në spitalin e Pogradecit ku po merr kujdesin e nevojshëm mjekësor jashtë rrezikut për jetën.

Policia dhe grupi hetimor ndodhen në vendngjarje dhe po punojnë për zbardhjen e rrethanave të ngjarjes.

LEXONI GJITHASHTU:

• Aksident në Malësi të Madhe, 20-vjeçari përplas këmbësorin, humb jetën 68-vjeçari
• Bulqizë/ Aksident në kthese të Krastës, plagosen 4 persona