Aksident i rëndë në Shkodër, makina përplas fëmijën 11-vjeç

Një aksident i rëndë ka ndodhur këtë të shtunë në aksin rrugor Shkodër-Mjedë. Sipas informacioneve paraprake bëhet me dije se një automjet ka përplasur një fëmijë të moshës 11-vjeçe, i cili po lëvizte me këmbë.

E mitura është dërguar me urgjencë në spitalin rajonal të Shkodrës, ku po merr ndihmën e nevojshme mjekësore.

Grupi hetimor po punon për sqarimin e rrethanave të aksidentit.

“Rreth orës 13:15, në aksin rrugor “Shkodër-Mjedë”,  automjeti me drejtues shtetasin D. U., 43 vjeç, ka përplasur një të mitur 11-vjeçare që lëvizte në këmbë.

Si pasojë është dëmtuar  11-vjeçarja, e cila është dërguar për ndihmë mjekësore në spitalin rajonal të Shkodrës”, thuhet në njoftimin e policisë.

LEXONI GJITHASHTU:

• Aksident në aksin Dragot-Këlcyrë, plagosen 5 persona
• Aksident i rëndë në aksin nacional Korçë-Bilisht, 8 persona të plagosur