Aksident me vdekje në Dimal: Përplasen dy mjete, ndërron jetë pasagjeri

Një aksident i rëndë me pasojë vdekje ka ndodhur pasditen e të dielës në Dimal. Viktimë mbeti shtetasi 78-vjeçar, me iniciale S.G., i cili udhëtonte si pasagjer në një nga mjetet e përfshira në aksident.

Policia arrestoi në flagrancë drejtuesin e mjetit që u përplas me automjetin ku lëvizite 78-vjeçari.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat.

“Policia arrestoi në flagrancë shtetasin A. T., 33 vjeç, banues në Dimal, pasi mbasditen e djeshme duke drejtuar mjetin e tij tip “Hyundaj”, është përplasur me mjetin tip “Seat”, me drejtues shtetasin A. G.,  41 vjeç, banues në fshatin Skrevan, Dimal. Si pasojë e përplasjes është dëmtuar dhe ka ndërruar jetë në spital shtetasi S. G., 78 vjeç, banues në fshatin Skrevan, Dimal, i cili ishte pasagjerë në mjetin tip “Seat””, thuhet në njoftimin e policisë.

LEXONI GJITHASHTU:

• Aksident në Kavajë, humb jetën drejtuesi i mjetit të ndaluar në rrugë
• Aksident në Prrenjas, furgoni i policisë së burgjeve përplaset me kamionin