Një aksiden i rëndë, ku janë përfshirë tre makina, ka ndodhur ditën e sotme në aksin “Elbasan-Peqin”.

Pavarësisht përplasjes së rëndë mes një trajleri dhe dy makinave, fatmirësisht kanë shpëtuar drejtuesit e mjeteve, ku vetëm njëri prej tyre ka marrë plagë dhe po merr ndihmë mjekësore në spital.

Trajleri ka përfunduar jashtë rruge dhe po ashtu një automjet tip “Audi”. Dëmtimet më të mëdha i ka marrë automjeti tjetër tip fouristradë, që duket plotësisht e shkatërruar.

Ndërkohë mësohet se drejtuesi i trajlerit është vetëparaqitur në polici deri në sqarimin e plotë të shkaqeve të aksidentit.

Njoftimi i Policisë:

Elbasan/Informacion paraprak

Në aksin rrugor “Elbasan-Peqin”, janë përplasur automjeti tip “Audi” me drejtues shtetasin L. H., kamioni me drejtues shtetasin A. K., dhe automjeti tip “Benz”, me drejtues shtetasin E. P..

Si pasojë e përplasjes është dëmtuar drejtuesi i automjetit tip “Benz”, shtetasi E. P., i cili është transportuar në spital për ndihmë mjekësore.

Grupi hetimor vijon veprimet në vendngjarje për përcaktimin e rrethanave dhe shkaqeve të aksidentit.

LEXONI GJITHASHTU:

• Aksident i rëndë në Prizren, makina përplas për vdekje fëmijën me biçikletë
• Aksident me 4 të plagosur në Gramsh, njëri në gjendje të rëndë