Aksident në Devoll, makina përplaset me motorin. 2 vëllezërit përfundojnë në spital

Një aksident ka ndodhur pasditen e kësaj të mërkure në ë afërsi të fshatit Miras. Një makinë është përplasur me një motor me të cilin udhëtonin dy persona.

Sipas informacioneve të ardhura nga policia, motorin e drejtonte një i mitur, ndërsa pasagjer ishte vëllai i tij, të dy janë lënduar nga aksidenti dhe janë transportuar në spital.

Njoftimi i policisë:

Më datë 27.06.2024, rreth orës 17:05, në aksin rrugor “Bilisht-Sinicë”, në afërsi të fshatit Miras, automjeti furgon tip “Volkswagen”, me drejtues shtetasin A. B., banues në fshatin Vidohovë, është përplasur me një motomjet pa targë, me drejtues një shtetas të mitur dhe pasagjer vëllain e tij, banues në fshatin Miras, të cilët për pasojë janë dëmtuar dhe u dërguan për mjekim në spital.

Me drejtuesin e furgonit shtetasin A. B., po kryen veprimet e mëtejshme procedurale.

Grupi hetimor po punon për të sqaruar rrethanat dhe përcaktuar shkaqet e aksidentit.

LEXONI GJITHASHTU:

• Baleti “Fatalita” në Tiranë, 4 heroina të artit botëror në TKOB për fuqinë e gruas
• 11 aksidente çdo ditë, mjeku: Mos e prek të dëmtuarin nëse s’di të japësh ndihmë