Aksident në Elbasan, këmbësori 54 vjeçar përplaset nga makina

Një aksident i rëndë ka ndodhur mbrëmjen e sotme në afërsi të qendrës së qytetit të Elbasanit.

Burime nga vendngjarja bënë me dijë se aksidenti ndodhi ne rrugën pranë Drejtorisë se Tatim-Taksave, ku një automjet ka përplasur një këmbësor i cili ka pësuar dëmtime te renda.

Personi i cili mbeti i plagosur është transportuar për në Spitalin Rajonal të Elbasanit. Policia i ka bërë testin e alkoolit drejtuesit të automjetit të përfshirë në aksident dhe e ka shoqëruar më pas në komisariat.

Sakaq, autoritetet ndodhen në vendngjarja për të dokumentuar ngjarjen dhe për të përcaktuar shkaqet që sollën aksidentin.

Njoftimi i policisë:

Rreth orës 17:45, në bulevardin “Qemal Stafa”, vendi i quajtur “Tatimet”, automjeti me drejtues shtetasin K. Sh., 30 vjeç, ka përplasur shtetasin Sh. Ll., 54 vjeç, këmbësor. 54-vjeçari është dërguar për ndihmë mjekësore në spitalin e Elbasanit, jashtë rrezikut për jetën.

Me drejtuesin e automjetit shtetasin K. Sh., po kryhen veprimet e mëtejshme procedurale.

Grupi hetimor po punon për përcaktimin e rrethanave të aksidentit.