Aksident në Fier-Levan, automjeti përplaset me shtyllën elektrike, plagoset shoferi

Një aksident ka ndodhur pasditen e së hënës në aksin  Fier- Levan, në afërsi të “ Kthesës së Zhupanit”.

Një automjet ka humbur kontrollin dhe për pasojë është përplasur me shtyllën elektrike.

Nga përplasja e fortë ka mbetur i lënduar drejtuesi i automjetit, i cili është transportuar me urgjencë drejt Spitalit Rajonal Fier, ku ndodhet nën kujdesin e mjekëve jashtë rrezikut për jetën.

Ndërkohë në vendngjarje ndodhet policia dhe grupi hetimor për të bërë të mundur zbardhjen e shkaqeve të aksidentit në fjalë dhe punonjësit e OSHEE  për të bërë të mundur riparimin e kabujve të tensionit të lartë, të cilët ranë përtokë duke penguar edhe qarkullimin e automjeteve në këtë aks veçanërisht të frekuentuar gjatë muajve të verës.

LEXONI GJITHASHTU:

• Aksident në aksin Lezhë–Fushë Milot, një i plagosur pas përplasjes së tre makinave
• Aksidentet gjatë gjashtëmujorit të parë të 2025, problem mbeten drejtuesit e rinj