Aksident në Lungomaren e Vlorës, automjeti përplas dy të moshuarat

Një aksident ka ndodhur këtë të martë, rreth orës 17:10, në aksin e Lungomares në Vlorë. Një mjet tip Fiat, i drejtuar nga Dukë Muço, 72 vjeç, ka përplasur dy të moshuara në vendkalimin e këmbësorëve, Vigjilenca Rapi dhe Nermin Mukaj, të dyja rreth 70 vjeç.

Të lënduarat u transportuan në Spitalin Rajonal Vlorë dhe gjendja e tyre raportohet jashtë rrezikut për jetën.

Drejtuesit të mjetit iu krye testi i alkoolit dhe ai u shoqërua në ambientet e Drejtorisë Vendore të Policisë Vlorë. Hetimet për shkaqet e aksidentit vijojnë.

LEXONI GJITHASHTU:

• Dhunoi punonjësin e sigurisë të Gjykatës së Vlorës, Apeli liron avokatin
• KAS rrëzon kërkesën e Gjergj Nikës për t’u regjistruar kandidat i pavarur në Vlorë