Aksident në Pogradec-Korçë, makina përplas këmbësorin

Një aksident me pasojë plagosjen e një personi është shënuar mbrëmjen e së premtes në aksin  rrugor Pogradec – Korçë.

Ngjarja ka ndodhur në afërsi të kryqëzimit të fshatit Leminot ku një 58 vjeçar nga fshati Zvirinë është goditur nga një mjet që vinte nga Pogradeci ne drejtim te Maliqit.

Sipas policisë rrugore 58-vjeçari në momentin e aksidentit ka qenë duke kaluar nga krahu i djathtë i rrugës nacionale në krahun tjetër por duket se errësira si dhe mungesa e ndriçimit i ka kufizuar shikimin drejtuesit të mjetit, i cili megjithëse ka bërë gjithçka për të shmangur goditjen, ka qenë e pamundur.

58-vjeçari mësohet të ketë qenë duke punuar deri në ato momente (duke vaditur), ndërkohë që po shkonte në një rrugë të shkurtër drejt fshatit të tij, por duket se kalimi i ka sjellë edhe plagosjen e rëndë.

Grupi i hetimit ka shoqëruar në komisarit drejtuesin e mjetit për të sqaruar më tej rrethanat e aksidentit.

LEXONI GJITHASHTU:

• Aksidentohen 2 turistë gjermanë në Sarandë
• Aksident me vdekje në Levan-Tepelenë, humb jetën kalimtari