Aksident në Qafë Thanë, del nga rruga autobusi me volejbollistet e Skënderbeut

Një aksident i trefishtë ka ndodhur në zonën e Qafë Thanës, afër “Ujit të Ftohtë”, ku ishin përfshirë dy mjete të vogla dhe një minibus që transportonte volejbollistet e ekipit të Skënderbeut.

Burime pranë vendit të ngjarjes bëjnë me dije se njëri nga mjetet ka kryer një manovër të gabuar, duke shkaktuar përplasjen e tre mjeteve.

Nga ky aksident, drejtuesit e mjeteve kanë marrë dëmtime të lehta, ndërkohë që volejbollistet e ekipit të Skënderbeut kanë pësuar tronditje, por fatmirësisht nuk ka pasur pasoja të rënda. Ato po udhëtonin drejt kryeqytetit për të luajtur ndeshjen e dytë finale të kampionatit kombëtar të volejbollit të femrave.

Policia ka intervistuar drejtuesit e mjeteve për të sqaruar shkaqet e aksidentit, ndërsa për fatin e mirë, situata ka mbetur nën kontroll. Në lidhje me ngjarjen, drejtuesit e ekipit të Skënderbeut kanë kërkuar nga Federata Shqiptare e Volejbollit shtyrjen e ndeshjes së dytë finale për një datë tjetër.

 

View this post on Instagram

 

A post shared by Euronews Albania (@euronews_albania)

LEXONI GJITHASHTU:

• Aksident në Gjirokastër, shtetasi gjerman pasi përplasi këmbësoren 48-vjeçare
• 59-vjeçari humbi jetën gjatë punës, arrestohet drejtoresha e punimeve në Kavajë