Aksident te Ura e Bulgarecit, shoferi përplas këmbësoren, largohet nga vendngjarja

Një aksident ka ndodhur në aksin rrugor Korçë – Pogradec, në afërsi të vendit të quajtur Ura e Bulgarecit, ku një mjet ka përplasur një këmbësore dhe është larguar nga vendi i ngjarjes.

Pas përplasjes, këmbësorja është plagosur rëndë dhe ndodhet në gjendje të rëndë shëndetësore. E plagosura është transportuar menjëherë në spital, ku po merr ndihmën e nevojshme mjekësore.

Policia ka mbërritur në vendngjarje dhe ka nisur hetimet për identifikimin dhe kapjen e drejtuesit të mjetit që ka shkaktuar aksidentin dhe është larguar pa ndihmuar të plagosurin.

LEXONI GJITHASHTU:

• Aksident fatal në Fllakë të Durrësit, humb jetën një këmbësor 
• Detaje nga aksidenti me vdekje në Durrës! I mituri mori makinën borxh…