Aksident tragjik pranë fshatit Borizanë, një e vdekur dhe tre të plagosur

Një aksident i rëndë ka ndodhur paraditen e kësaj të mërkure në afërsi të fshatit Borizanë, ku dy automjete tip “Mercedes” janë përplasur me njëri-tjetrin.

Si pasojë e përplasjes, një person ka humbur jetën, ndërsa tre të tjerë kanë mbetur të plagosur.

Të plagosurit janë transportuar me urgjencë drejt Spitalit të Traumës, ku po marrin ndihmën e nevojshme mjekësore.

Siç shihet dhe nga pamjet e siguruara nga Euronews Albania, përplasja e mejteve ka qenë tepër e fortë dhe ballore, duke shkaktuar dëme të mëdha.

Mësohet se drejtuesja e njërit prej automjeteve të përfshira në aksident është Malvina Kani, e cila u përplas me makinën tip “Benz” që drejtohej nga Idriz Saja. Në këtë automjet udhëtonin gjithashtu pasagjerët Lindita Saja dhe Bedrie Saja.

Si pasojë e përplasjes, Bedrie Saja humbi jetën në vend, ndërsa të tjerët u transportuan në Spitalin e Traumës, disa prej tyre në gjendje të rëndë.

Lajm në përditësim…

• Aksident i frikshëm në Vlorë, taksia me dy turistë anglezë del jashtë rruge
• Aksident i rëndë në aksin Peqin-Elbasan, makina bie nga ura