Aksidenti në afërsi të TEG-ut, Ahmeti: Automjeti s’e ka kaluar shpejtësinë 140 km/h

Ish-drejtuesi i Policisë Rrugore, Krenar Ahmeti thotë se automjeti tip “Audi A8”, që u përfshi në një aksident te rrethrrotullimi në afërsi të TEG-ut, me pasojë vdekjen e 3 personave, nuk e ka kalur shpejtësinë 140 km/h.

Në emisionin “Review” në Euronews Albania, Ahmeti u shpreh se mënyra sesi automjeti çau barrierat dhe përfundoi në autostradën Tiranë-Durrës, duke goditur një tjetër automjet, ishte mjaft e rrezikshme.

Ahmeti e cilëson këtë aks si “rrugë kurth”, pasi janë shkaktuar shumë aksidente dhe kanë humbur jetën shumë njerëz.

“Për mua, nuk e ka kaluar shpejtësinë 140 km/h. Për mua, e rrezikshme ishte që i ka ardhur atij qytetarit tjetër poshtë si meteor, makina. Mjeti e humbi kontrollin. Kalojmë në fazën tjetër, të minimizimit. Çfarë kanë minimizuar këta, se kjo parashikohet. A e kuptoni, krenohen të gjithë për atë rrugë të bukur? Është rrugë kurth, vdesin njerëz.”, theksoi ai.

LEXONI GJITHASHTU

• Aksidenti në afërsi të TEG-ut, Ahmeti: Automjeti s’e ka kaluar shpejtësinë 140 km/h
• “Doni të vdisni live”- Ahmeti: Po të isha në detyrë, do t’iu shoqëroja në komisariat
• Eksperti: Sinjalistika që mungonte dhe mund të shmangte aksidentin me 3 viktima