Aksidenti tragjik në Ksamil, pezullohet shefi i Policisë Rrugore në Sarandë

Drejtori i Përgjithshëm i Policisë së Shtetit ka reaguar pas aksidentit të ndodhur në aksin Ksamil-Sarandë, ku humbën jetën dy turistë italiane dhe u lënduar dy të miturit shqiptarë të cilët po udhëtonin me Benz.

Ai ka lajmëruar shkarkimin nga detyra të shefit të policisë rrugore në Sarandë, Adriatik Shehu.

Rrumbullaku ka urdhëruar ngritjen e një grupi të posaçëm, me specialistë nga Drejtoria e Standardeve Profesionale dhe nga Departamenti për Sigurinë Publike në Drejtorinë e Përgjithshme të Policisë së Shtetit, për të analizuar rastin, për të nxjerrë përgjegjësitë në lidhje me shkakun e ndodhjes së këtij aksidenti, si dhe për  menaxhimin në tërësi të qarkullimit rrugor në territorin e bashkisë Sarandë.

“Ndërkohë, është pezulluar menjëherë nga detyra Shefi i Seksionit të Policisë Rrugore në Komisariatin e Policisë Sarandë, Nënkomisar A. Sh. Pezullimi i tij u bë në zbatim të nenit 209, të Rregullores së Policisë së Shtetit, për shkelje të rëndë të atributeve/kompetencave të Policisë, në lidhje me pasojat e aksidentit të ndodhur në orët e para të mëngjesit të sotëm, në aksin rrugor “Sarandë –Ksamil”, ku humbën jetën 2 turistë italianë, konkretisht shtetasit D. D., 24 vjeç dhe V. T., 32 vjeç.

Gjithashtu, ka nisur menjëherë hetimi administrativo-disiplinor për të gjithë zinxhirin komandues të Sektorit të Policisë Rrugore në Drejtorinë Vendore të Policisë Vlorë, për mospërmbushje të procedurave standarde të punës, në lidhje me marrjen e masave për parandalimin e aksidenteve rrugore, gjatë sezonit turistik”,-thuhet në njoftim.

LEXONI GJITHASHTU:

• Ish-gjenerali i ushtrisë britanike: Kush mund të fshihet pas vdekjes së Prigozhin
• Makina u përplas “kokë më kokë” me motorin, detaje nga aksidenti tragjik në Ksamil