Del nga rruga autobusi me nxënës në Bulqizë, 5 të lënduar

Një furgon që transportonte nxënësit e shkollës profesionale të Bulqizës drejt minierave është aksidentuar.

Nxënësit e degës Gjeologji Miniera shkojnë çdo ditë për të kryer praktikën në galeritë e kromit.

Nga informacionet e marra, 5 gjimnazistë janë dërguar në spital.

Burime nga spitali bëjnë me dije se të 5 nxënësit po marrin ndihmën mjekësore, jashtë rrezikut për jetën.

Policia dhe grupi hetimor ndodhen në vendngjarje dhe po punojnë për zbardhjen e rrethanave të aksidentit.

Bulqizë/Informacion paraprak

Rreth orës 15:20, në aksin rrugor rural që lidh qytetin e Bulqizës me zonën e antenave, shtetasi Xh. S., duke drejtuar automjetin (furgon), ka humbur kontrollin mbi drejtimin e automjetit dhe automjeti ka dalë nga rruga.

Për pasojë, kanë mbetur të dëmtuar, jashtë rrezikut për jetën, drejtuesi i automjetit, shtetasi Xh. S., si dhe shtetasit E. P., A. C., Xh. P., E. D. dhe B. V. (pasagjerë në këtë furgon).

Në vendngjarje ndodhet grupi hetimor, i cili po punon për zbardhjen e rrethanave të këtij aksidenti.

LEXONI GJITHASHTU: 

• Gruaja hidhet nga dritarja e banesës pas dhunës së burrit, arrestohet 35-vjeçari
• EMRI| I dënuar për vjedhje të energjisë elektrike, arrestohet 45-vjeçari
• Sherr me thika në Durrës, plagosen 2 persona