Aksidentoi për vdekje 55-vjeçarin në fshatin Strum, arrestohet 34-vjeçari

Një ditë pas aksidentit të regjistruar në fshatin Strum, ku mbeti i vdekur një 55 vjeçar, është vënë në pranga këtë të martë shoferi i mjetit.

Sipas raportimeve nga policia, është arrestuar shtetasi J. T., 34-vjeç, banues në fshatin Kurjan, ku me automjetin e tij përplasi për vdekje shtetasin G. Xh., 55-vjeç, i cili lëvizte me biçikletë.

Në vijim të kësaj, specialistët e Sektorit të Qarkullimit Rrugor kryen arrestimin në flagrancë të shtetasit J. T., për veprën penale “Shkelja e rregullave të qarkullimit rrugor”.

“Në vijim të informacionit të dhënë dje, për aksidentin rrugor në fshatin Strum, ku si pasojë e përplasjes së automjetit me drejtues shtetasin J. T., 34 vjeç, banues në fshatin Kurjan, me biçikletën me të cilën lëvizte shtetasi G. Xh., 55 vjeç, banues në fshatin Strum, humbi jetën ky i fundit, informojmë se në vijim të veprimeve procedurale, specialistët e Sektorit të Qarkullimit Rrugor kryen arrestimin në flagrancë të shtetasit J. T., për veprën penale ‘Shkelja e rregullave të qarkullimit rrugor’”, thuhet në njoftimin e policisë.

Ndërkohë, materialet pocedurale iu referuan Prokurorisë së Fierit, për veprime të mëtejshme.

LEXONI GJITHASHTU:

• Po hynte në Shqipëri me sende me vlerë 50 mijë euro, arrestohet 33-vjeçari në Morinë
• U arrestua për bashkëpunim në vrasje, ky është Xhino Ago ish-ortaku i Mondi Mëhallës