Aksidentoi të moshuarin në vijat e bardha, arrestohet 22-vjeçari në Vlorë

Një 22-vjeçar është vënë në pranga nga policia në Vlorë. Arrestimi i të riut ka ardhur pasi 22-vjeçari të premten ka aksidentuar një këmbësor në rrugën “Demokracia”.

I riu po drejtonte mjetin tip Audi kur ka përplasur në vijat e bardha nhë 96-vjeçar. I moshuari ndodhet në spital për shkak të plagëve të marra ndërsa po merr ndihmë mjekësore.

“Drejtoria Vendore e Policisë Vlorë

Specialistët e Seksionit të Trafikut Urban dhe Interurban Vlorë arrestuan shtetasin O. A., 22 vjeç, banues në Vlorë, pasi ditën e djeshme, në rrugën “Demokracia”, duke drejtuar automjetin e markës Audi, ka aksidentuar në vijat e bardha këmbësorin shtetasin P. O., 96 vjeç, banues në Vlorë, i cili ndodhet në spital, nën kujdesin e mjekëve.

Materialet iu referuan Prokurorisë, për veprime të mëtejshme”, njofton policia.