Një 48-vjeçar i identifikuar si Artur Sala është arrestuar nga policia e Krujës, pasi qëlloi me armë zjarri gjatë ndërhyrjes nga policia, në parcelën ku kishte kultivuar bimë narkotike.
Pas prangosjes së 48-vjeçarit policia sekuestroi armën e zjarrit tip pistoletë me krehër dhe municion luftarak, bimët e dyshuara narkotike, një shkop bejzbolli, një përforcues grushti, si dhe një celular.
Materialet procedurale në ngarkim të tij i kaluan Prokurorisë për veprime të mëtejshme.
“Komisariati i Policisë Krujë, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, në vijim të punës për parandalimin e kultivimit të bimëve narkotike, në zbatim të masave të përcaktuara në planin operacional “Territor i pastër”, ka finalizuar operacionin policor të koduar “Danger”.
Si rezultat i tij u arrestua shtetasi A. S., 48 vjeç, banues në Arrameras.
Gjatë kontrollit në Kodër Bubq, është konstatuar një parcelë ku u gjetën 64 bimë të dyshuara narkotike kanabis. Gjatë ndërhyrjes nga shërbimet e Policisë, në parcelë, shtetasi A. S. ka qëlluar në ajër, me armë zjarri. Në vijim të veprimeve, gjatë kontrollit të banesës së autorit të dyshuar, shërbimet e Policisë gjetën dhe sekuestruan së bashku me bimët dhe armën e zjarrit, një përforcues grushti dhe një shkop bejzbolli”, thuhet në njoftimin e policisë.
LEXONI GJITHASHTU:
- Po ujiste parcelën me 520 bimë kanabisi, arrestohet në flagrancë 37-vjeçari
- Kultivoi mbi 4500 bimë kanabis në fshatin Iballë, arrestohet 25-vjeçari
