“Aksione pafund”, Redi Muçi: “Lëvizja Bashkë”, e vetmja që ka program për Tiranën

Redi Muçi, përfaqësues i “Lëvizja Bashkë”, tha se partia e tyre mund të krahasohet fare mirë me “Vetëvendosjen”, e Albin Kurtit pasi kanë ndërmarrë shumë aksione politike, për çështje të rëndësishme të vendit.

Gjithashtu Muçi tha se janë e vetmja parti politike e cila ka një plan të mirëfilltë për Tiranën.

“Ne kemi bërë aksione, nëse flasim për aksione, ne jemi rrahur nga policia për çështjen e Liqenit, kemi çështje të hapura gjyqësore, sot e kësaj dite, ende, Arlind Qori ka një çështje gjyqësore për parkun e autobusavce se kemi protestuar që aty të mos ndërtohej pallat. Sot është ndërtuar pallati.

Jemi, në dijeninë time, i vetmi subjekt politik që kemi një program për Tiranën. Kam dëgjuar Roland  Bejkon që ka një, por pash një 15 pika me nga një fjali. Ne jemi i vetmi subjekt i cili kemi bërë një analizë të detajuar për problematikat që ka qyteti i Tiranës dhe kemi dhënë propozime për zgjidhje bazuar në analiza ekonomike. Jemi i vetmi subjekt që e ka një program”,-tha Redi Muçi.

LEXONI GJITHASHTU:

• Preu damarët i dehur, gjendet në mes të rrugës 30-vjeçari në Tiranë
• Do imitoni Veliajn? Krahu i djathtë i Arlind Qorit: Ja pse jemi ndryshe