Aksioni i SPAK për “Call Center”-in në Tiranë, GJKKO cakton arrest me burg për 6 persona

Gjykata e Posaçme kundër Korrupsionit dhe Krimit të Organizuar ka caktuar masën e sigurisë “arrest me burg” për 6 persona të përfshirë në një aksion të gjerë kundër një call center-i të dyshuar për mashtrime financiare në Tiranë.

Mësohet se për dy persona, GJKKO ka vendosur masën e “arrestit me burg” me afat të caktuar 20-ditor.

Më konkretisht, caktohet masa arrest me burg për:

Remir Gjoligaj

Endri Gjata

David Qerimi

Elis Merkaj

Hysen Xhepexhiu

Klaudio Kaçupi

Arrest me burg me afat 20 ditë për: Rentjan Peposhi dhe Odeas Kuqi

Operacioni u organizua nga Prokuroria e Posaçme Kundër Korrupsionit dhe Krimit të Organizuar gjatë fundjavës, duke goditur një grup kriminal që mashtronte qytetarë italianë dhe europianë përmes call center-ave, duke u paraqitur si kompani për investime në kriptomonedha.

Sipas SPAK, Qendra e Thirrjeve monitorohej jo vetëm nga sistemi i sigurisë, por edhe nga persona civilë të angazhuar për vëzhgim, të cilët dyshuan për veprimtari të dyshimtë.

Pas njoftimit të mundësisë së ndërhyrjes nga autoritetet, në orët e para të mëngjesit të 16 janarit, u ndërmor largimi i pajisjeve dhe boshatisja e ambienteve përpara aksionit.

Në kuadër të veprimeve hetimore janë ushtruar kontrolle në 28 ambiente, ku janë sekuestruar qindra pajisje kompjuterike, dokumente, sisteme monitorimi, servera, automjete luksoze dhe të tjera të përdorura nga autorët e dyshuar, përfshirë një Ferrari që dyshohet të përkiste organizatorëve të aktivitetit.