SPAK godet grupin kriminal, zbardhet ekzekutimi i Edmir Bregut në Durrës

SPAK ka publikuar informacion zyrtar lidhur me një aksion të zhvilluar këtë të enjte në Durrës, ku është goditur një grup i strukturuar kriminal, i dyshuar për përfshirje në vrasje me pagesë.

SPAK njofton se në kuadër të këtyre hetimeve intensive është zbardhur vrasja e Edmir Bregut, ngjarje e rëndë që ndodhi më 24 janar 2021 në qytetin e Durrësit, ku viktima u ekzekutua me armë zjarri.

Sipas hetimeve të SPAK-ut dhe transkriptimeve të komunikimeve të siguruara nga Sky ECC, drejtues i grupit kriminal për këtë ngjarje akuzohet Astrit Avdyli, i cili aktualisht ndodhet në burg.

Në kërkim për këtë rast është shpallur Aldo Avdyli, ndërsa shtetasi Enea Kume është ndaluar pasi dyshohet se ka ndihmuar në ekzekutimin e Bregut. Po ashtu, janë shpallur në kërkim dy persona të tjerë, të cilët dyshohen se kanë pasur rolin e ekzekutorëve.

“Gjatë hetimeve intensive të kryera nga hetuesit e Byrosë Kombëtare të Hetimit (BKH), nën drejtimin e prokurorëve është bërë identifikimi i autorëve të dyshuar për vrasjen për hakmarrje të shtetasit, Edmir Bregu më datë 21.1.2021, në qytetin e Durrësit.

Si drejtues i grupit të strukturuar kriminal dhe si porositës i vrasjes për hakmarrje dyshohet të jetë shtetasi A.B. (alias A.A), në shenjë hakmarrjeje për tentativën për të vrarë nipin e tij, E.A. (alias A.A).

Gjithashtu si drejtues dhe koordinator i grupit të strukturuar kriminal, dyshohet të jetë shtetasi, E.A. (alias A.A), si ndihmës dyshohet të jetë shtetasi E.K., ndërsa si ekzekutor dyshohet të jenë shtetasit, E.D dhe A.D”, njofton SPAK.

Njoftimi i SPAK

“Hetimet u përqëndruan tek disa shtetas shqiptarë, të përfshirë në organizimin dhe realizimin e vrasjes në territorin e Republikës së Shqipërisë për qëllime hakmarrjeje.

Personat e përfshirë duke bashkëpunuar me njëri tjetrin kanë arritur të sigurojnë infrastrukturën e nevojshme me:  Automjete me qira, armë zjarri, banesa si dhe të kryejnë mbikeqyrje të vazhdueshme me qëllim realizimin e vrasjes.

Gjatë hetimeve intensive të kryera nga hetuesit e Byrosë Kombëtare të Hetimit (BKH), nën drejtimin e prokurorëve të posaçëm është dokumentuar aktiviteti kriminal si dhe identifikimi i disa prej autorëve të dyshuar të veprës penale të vrasjes, me paramendim me qëllim hakmarrjen, në formë e grupit të strukturuar kriminal si dhe autorëve që kanë kryer falsifikimin e dokumenteve të regjistrimit të pasurive të paluajtshme, të kryera në formën e grupit të strukturuar kriminal.

Identifikimi i autorëve të dyshuar për vrasjen për hakmarrje të shtetasit, Edmir Bregu më datë 21.1.2021, në qytetin e Durrësit.

Veprimet e kundraligjshme të vrasjes me paramendim për hakmarrje, mbajtjes pa leje dhe prodhimit të armëve, janë kryer në kuadër të një grupi të strukturuar kriminal.

Si drejtues i grupit të strukturuar kriminal dhe si porositës i vrasjes për hakmarrje dyshohet të jetë shtetasi A.B. (alias A.A), në shenjë hakmarrjeje për tentativën për të vrarë nipin e tij, E.A. (alias A.A).

Gjithashtu si drejtues dhe koordinator i grupit të strukturuar kriminal, dyshohet të jetë shtetasi, E.A. (alias A.A), si ndihmës dyshohet të jetë shtetasi E.K., ndërsa si ekzekutor dyshohet të jenë shtetasit, E.D dhe A.D.

Në lidhje me këtë fakt po hetohet për identifikimin e personave të tjerë, të cilët mund të jenë të përfshirë në këtë ngjarje kriminale”, njofton SPAK.

LEXONI GJITHASHTU:

• Atentati në Durrës, pistat ku po heton Policia
• SPAK “zbarkon” në Durrës dhe Shijak, arrestohen disa persona