Aksioni politik i PD, Berisha mbledh Kryesinë dhe Grupin Parlamentar! Gazetari jep detajet

Gazetari i Euronews Albania, Ardit Hoxha, dha më shumë detaje në lidhje me diskutimet që do të zhvillojnë anëtarët e PD-së në dy mbledhjet që do të mbahen këtë të hënë.

Sipas tij, mbledhja e Kryesisë, e cila do të mbahet në orën 12:00, do të ketë në fokus zhvillimet e brendshme të PD-së që kanë të bëjnë me nisjen dhe zhvillimin e procesit zgjedhor të disa prej degëve të PD-së, ndërsa mbledhja e Grupit Parlamentar që do të mbahet në orën 14:00, do të ketë në fokus seancën e nesërme të Kuvendit.

Sakaq, ai theksoi se në mbledhjen e grupit do të diskutohet edhe organizimi i protestës së PD-së, e cila do të mbahet ditën e diel më 22 mars.

 “Janë dy mbledhje në rendin e ditës, të cilat janë të rëndësishme, Kryesia dhe më pas Grupi Parlamentar me agjenda të ndryshme.

Kryesia do të ketë në fokus zhvillimet e brendshme të PD-së që kanë të bëjnë që nga nisja dhe zhvillimi i procesit zgjedhor të disa prej degëve të PD-së. Gjatë këtyre ditëve disa e kanë zhvilluar, disa priten ta përmbyllin brenda muajit mars këtë proces riorganizimi dhe rifreskimi të strukturave drejtuese në degët e PD-së. Gjithashtu, nuk pritet të jetë jashtë vëmendjes protesta e radhës së PD-së më 22 mars.

Nga ana tjetër, mbledhja e Grupit Parlamentar do të ketë në fokus mbledhjen e nesërme të seancës së Kuvendit, që ka të bëjë me qasjen dhe zhvillimet që PD ka dhe deputetët e saj kanë.

Është mbledhje deri diku rutinë, por nuk përjashtohen zhvillimet e brendshme të PD-së. Berisha, ditën e sotme, e ka nisur herët me takime, pastaj ishte në kryerjen e detyrimit të paraqitjes në SPAK, dhe në mesditë kemi foltoren e grupit parlamentar, e cila do të jetë foltorja e përhershme ku PD zhvillon përballë kryeministrisë në orën 16:00”, u shpreh gazetari.