Aktivisti: Sistemi arsimor tejet i korruptuar, duhet veting akademik

Aktivisti i Qëndresës Qytetare, Rigers Xhemollari thotë se sistemi arsimor në vendin tonë është i korruptuar, ndaj dhe ka nevojë për veting të pedagogëve dhe akademikëve.

pedagogët në vendin tonë, janë më të keqpaguarit në rajon.

Në emisionin “Good Morning Albanias” në “Euronews Albania”, Xhemollari u shpreh se pedagogët në vendin tonë, janë më të keqpaguarit në rajon.

Sipas tij, pagat e pedagogëve janë qesharake dhe nuk u del për veten e tyre, e jo më që të bëjnë kërkime shkencore.

“Sindikata e Punonjësve të Arsimit apo pedagogëve ka marrë nismë që ka në thelb, rritjen e standardeve dhe pagave të tyre. Ne kemi pedagogët që paguhen më keq në rajon. Pedagogët në Kosovë paguhen 1000-1500 euro, në vende të tjera të rajonit paguhet akoma më shumë. Pedagogët në vendin tonë paguhen 50-60 mijë lekë të reja në muaj, një shifër qesharake që nuk u del për veten e tyre.

Kemi edhe një problematikë tjetër. Brenda sistemit arsimor kemi shumë pedagogë që janë jomeritorë, që nuk e meritojnë të jenë aty. Nuk kemi pasur asnjëherë veting të akademikëve në vendin tonë, ka shumë korrupsion në sistemin arsimor”, theksoi ai.

LEXONI GJITHASHTU

• Thirrja e pedagoges: Qeveria ka të ardhura, t’i shpërndarjë te të rinjtë
• ‘Sistem çorientues’, pedagogu: S’duhet të ketë 10 preferenca për në universitet