Aktivisti tregon arsyet: Ja pse kredia studentore është e pamundur

Aktivisti i Qëndresës Qytetare, Migen Qiraxhi e sheh si të pamundur miratimin e kredisë studentore.

Në një intervistë për Euronews Albania, Qiraxhi shpjegoi se përsa diçka e tillë nuk mund të realizohet.

“Studenti në çdo vend të botës, ka dy shpenzime në jetën e tij studentore. Ka tarifën e studimit dhe jetesën si student. Këto janë dy momentet më të rëndësishme financiare të një studenti në botë. Në vendet e zhvilluara, ka dy sisteme arsimore, një që është shtetëror, shteti mbulon shpenzimet e studentit, ndërsa  vendet anglo-saksone kanë sistem të dytë, ku arsimi është shumë i shtrenjtë.

Gjatë viteve të studimit, studenti në të dyja rastet nuk paguan gjë. Studenti konsiderohet i varfër. Studenti, në vitet e studimit është i varfër, kredia fillon të shlyhet 6 muaj pasi ke marrë diplomën, vetëm pas përfundimit të studimeve”, theksoi ai.

Ministrja e Arsimit dhe Sportit, Evis Kushi informoi më herët gjatë javës në Kuvend se së shpejti do të miratohet kredia studentore, ku për herë të parë studentët do të kenë të drejtë të marrin kredi. Sipas saj, studentët përfitojnë edhe mbështetje direkte.

LEXONI GJITHASHTU

• Aleat me Berishën, Vangjel Dule pro bashkimit me Alibeajn: Opozita duhet e bashkuar
• Rama kritika deputetëve në Vlorë, votohet për kandidatin që do garojë për Bashkinë
• Belind Këlliçi shpall platformën për Tiranën, premton transport falas dhe ujë 24 orë