Aktivisti tregon sfidat: Ja ku duhen drejtuar investimet për komunitetin rom

Aktivisti Raxhi Rakipi ishte i ftuar këtë të diel, në Ditën Ndërkombëtare të Romëve, në Euronews Albania, ku mes të tjerave tregoi disa nga problematikat që ky komunitet has.

Sipas tij komuniteti rom ka pasur shumë probleme pasi në banesat e tyre ka munguar ndriçimi dhe kanalizimet, por duket se gjërat  kanë filluar të ndryshojnë, pasi tashmë për shkak  të adresimit të problemeve, shumë prej familjeve rome kanë gjetur zgjidhje  nga bashkia.

Megjithatë sipas Rakipit, asfaltimi i lagjeve ku jetojnë komunitetet rome  në Shqipëri vazhdon të  mbetet problem që kërkon më shumë  investim.

“Problematikat që unë kam marrë nga komuniteti kanë qenë të ndryshme, duke filluar nga ndriçimi i vendbanimeve rome, pjesa e kanalizimeve të ujërave të zeza, asfaltimi i lagjes, dhe shumë problematika të tjera. Ndër to mund të përmend se pjesa e ndriçimit është problem i zgjidhur, për familjet rome  dhe gjithashtu ka pasur familje që nuk kanë pasur kanalizimin e ujërave të zeza.

Bashkia ka financuar një projekt që e  zgjidhi këtë problematik. Për ne vazhdon të mbetet sfidë pjesa e asfaltimit të lagjeve ku banon minoriteti rom dhe egjiptian jo vetëm në qytetin e Elbasanit, por edhe në qytete të tjera kjo mbetet një sfidë”,-tha Raxhi Rakipi.

LEXONI GJITHASHTU:

• “Mbi 300 mijë shqiptarë goditen nga vendimi i qeverisë”, Nasto tregon shkaqet
• “Hapini zemrat!”- Papa Françesku bën thirrje që lufta në Ukrainë të marrë fund
• Dita Ndërkombëtare e Romëve, Manastirliu: Në fokus punësimi i komunitetit Rom