Aktivistja: E paimagjinueshme! Si mundet një baba të vrasë nënën e fëmijëve për para

Aktivistja nga Kosova për të drejtat e grave, Vasfie Krasniqi-Goodman ishte e ftuar këtë të shtunë në emisionin “Review” në Euronews Albania, ku foli në lidhje me vrasjen e Liridona Murselit, nga bashkëshorti i saj Naim Murseli.

Aktivistja tha se është një ngjarje e paimagjinueshme që një bashkëshort të vrasë nënën e fëmijëve në sy të këtyre të fundit.

Ajo shtoi se një nga pistat që dyshohet pse Naim Murseli ta ketë kryer organizimin e vrasjes, është  marrja e siguracionit jetësor në Suedi.

“Vrasja në sy të fëmijëve është diçka e paimagjinueshme. Si mundet një baba të vrasë nënën e fëmijëve të tij. Është e tmerrshme dhe të gjithë në Kosovë janë të shokuar. Është shumë rast i rëndë. Ne nuk e dimë se çfarë qëllimi ka pasur. Shumica e rasteve kur ndodhin vrasjet në familje vijnë si pasojë e mosmarrëveshjeve.

Flitet se është bërë për para se ka pasur sigurim shëndetësor. As nuk e imagjinoj dot si mund të vrasë një njeri për të marë siguracionin. Është e papranueshme çfarë ka bërë ai.

Mendoj se divorci është shumë më i mirë se vdekja. Unë jam vetë e divorcuar. Dashuria nuk shkon me dhunë. Është më mirë të ndahesh se të vritesh. Nuk është rasti i parë, por ka shumë që vrasin gratë në Kosovë dhe Shqipëri.

Në mendjen e saj ka menduar se ka pasur një bashkëshort shumë të mirë, por në realitet ka qenë e kundërta.

Ajo që paraqesin në rrjete sociale nuk përputhet shumë me jetën reale. Por ajo që dua të them është se është e tmerrshme ajo që kanë përjetuar fëmijët e Liridonës”, tha ajo.

Aktivistja theksoi se e sheh si të drejtë vendimin e prindërve për ta zhvarosur të bijën nga familja e bashkëshortit dhe ta rivarrosë në vendlindjen e tyre.

“Është e drejta e tyre ta varrosin tek varrezat e tyre, nuk mund ta lënë te varrezat e burri që pagoi njerëz ta vrisnin”, tha ajo.

LEXONI GJITHASHTU:

• Si u zbardh vrasja e Liridonës, eksperti: Policia vendosi kamera të fshehta
• Vrasja e Liridonës nga bashkëshorti, Karamuço: Ajo ka ditur sekrete shumë të mëdha
• Pse e vrau bashkëshorti Liridonën? Gazetari: Për tradhti jo, për para po