Akuza e Berishës: Diplomatë të korruptuar u vërsulën për të shkatërruar PD-në

Kryetari i Partisë Demokratike, Sali Berisha ka akuzuar disa diplomatë, duke thënë se janë të korruptuar dhe donin të shkatërronin këtë forcë politike.

Nga Durrësi, ku mbajti fjalën e tij me rastin e 32-vjetorit të themelimit të PD-së në këtë qytet, Berisha u shpreh se demokratët janë më të fortë dhe krenarë se kurrë.

“Kjo është përpjekje për të asgjësuar PD-në, por beteja me idealet është një betejë donkishoteske. U përpoqën me çdo gjë që ta asgjësonin. Sot jemi më të fortë se kurrë. Më të fuqishëm se kurrë, më të sigurt se kurrë në fitoren tonë. Kaluam një vit të pashembullt për një forcë politike.

Nuk kishim para, nuk kishim pushtet. Nuk dispononim asgjë përveç idealeve tona. Ne jemi e para parti kundër të cilës korrupsioni ndërkombëtar përdoret për ta shtypur atë. Diplomatë të korruptuar, u vërsulën për të shkatërruar PD-në. Ja ku jemi, më krenarë se kurrë”, theksoi kryedemokrati.

LEXONI GJITHASHTU

• Sali Berisha: Jemi në një monizëm më të fuqishëm se i vitit 1991
• Deputetja e PD-së zbulon skenarin: Salianji po lobon me deputetët për bashkimin
• A do të shkarkohet Enkelejd Alibeaj? Flet deputetja e Partisë Demokratike