Akuza e fortë e eurodeputetit austriak: Serbia po e mbron Radojiçiçin

Eurodeputeti austriak Thomas Waitz tha në një intervistë për Euronews Albania se Serbia është duke marrë në mbrojtje Milan Radoiçiç, organizatori i sulmit ndaj policisë së Kosovës në Banjskë.

Sipas tij, është absurde që njeriun i cili e pranoi se është organizator i sulmit ku humbi jetën një polic dhe tre persona të tjerë, e marrin në pyetje në Beograd dhe e lënë të lirë sikur nuk ka ndodhur asgjë.

“Me sa jam informuar Radoiçiç u mor në pyetje nga Serbia dhe pas një sulmi të tillë për të destabilizuar rajonin, si mund ta lironi këtë person? Ai duhet të burgoset dhe jo të lirohet. Kjo tregon se ka një lloj mbrojtjeje ndaj këtij personi. Unë jam i bindur se BE më në fund e kanë kuptuar se politika e butë ndaj Vuçiç është gabim, ndaj do ketë një presion të hapur të Borrel ndaj Vuçiç për të ekstraduar sulmuesit në Kosovë”, tha eurodeputeti.

LEXONI GJITHASHTU:

• Sveçla: Vila e Radoiçiç mund t’i kalojë ministrisë së Brendshme
• Letra e plotë e Radoiçiç, si përpiqet të fshehë Serbinë: S’kam pasur asnjë ndihmë