Akuzat e forta të Flamur Nokës: Basha dhe Bardhi u vendosnin gjoba oligarkëve

Deputeti i Partisë Demokratike, Flamur Noka ka hedhur akuza të forta në drejtim të ish-kryedemokratit Lulzim Basha dhe deputetit demokrat, Gazment Bardhi.

Në emisionin “Now” në Euronews Albania, Noka u shpreh se ata bënin sikur sulmonin oligarkët, por u vendosin gjoba dhe merrnin para prej tyre.

Sipas tij, me ardhjen në krye të Sali Berishës, Partia Demokratike ka sulmuar çdo aferë korruptive.

“Ata oligarkë që ti mendon se i sulmon Gaz Bardhi, jam unë dëshmitar që u rrinte mbas dere me Lulzim Bashën, me dorën shtrirë për të mbushur thesin. A doje të ta them unë? Ke parë një aferë, që kur u ul në atë karrige Sali Berisha, oligark apo jo oligark, që të mos jetë sulmuar dhe të jetë në qendër të sulmeve të opozitës?

Që nga data 25 mars, që Sali Berisha ka hyrë në atë seli dhe u bë kryetar partie në këto 4 muaj, që është bërë një aferë dhe është sulmuar ajo aferë dhe është sulmuar nga të tjerë përveçse nga Sali Berisha? Nuk është heshtur”, theksoi ai.

LEXONI GJITHASHTU

• Flamur Noka u përgjigjet akuzave: Çfarë ndodhi me zgjedhjet në FRPD
• Doda: Berisha kishte dijeni për parregullsitë në zgjedhjet për kreun e FRPD-së
• Evi Kokalari: Në zgjedhjet për kreun e FRPD-së është bërë masakër