Akuzat e Metës për dëmin nga PPP-të: Po zhduken miliona euro

Koncesionet dhe kontratat PPP po rrezikojnë ekonominë shqiptare dhe stabilitetin financiar të vendit. Ky ishte paralajmërimi që bëri sot kryetari i Partisë së Lirisë, Ilir Meta gjatë një konference, ku theksoi se paralajmërimet që lëshohen nga FMN, më herët janë bërë edhe nga opozita.

“Koncensionet korruptive dhe PPP-të po e mbysin ekonominë, duke rënduar ndjeshëm buxhetin e shtetit, rritur në mënyrë katastrofike borxhin publik dhe praktikisht duke falimentuar Shqipërinë. Fondi Monetar Ndërkombëtar, sikundër edhe opozita ka paralajmëruar më herët, ka ngritur së fundmi alarmin e kuq për nivelin e lartë të rrezikut që paraqesin kontratat koncesionare në ekonominë shqiptare dhe kryesisht në stabilitetin fiskal”, u shpreh Ilir Meta.

Meta bëri thirrje për një ndryshim politik që sipas tij do të garantojë funksionim e drejtësisë së re.

“Shumë elemente të tjerë që tregojnë qartë se duhet përmbysje politike, për t’i dhënë drejtësisë mundësi që të jetë e pavarur dhe të justifikojë ato pritshmëri që ka pasur opinioni publik”, tha kreu i Partisë së Lirisë.

Ilir Meta komentoi edhe situatën në veri të Kosovës duke apeluar për qetësi që tensionet e shkaktuar për shkak të provokimeve serbe mos të përshkallëzohen.

LEXONI GJITHASHTU:

• Fatmir Mediu: PD-ja të reflektojë, duhet të jetë e bashkuar
• Deputeti tregon përplasjen e qeverisë me Yuri Kim: Sot doli me letra të hapura
• Ana Brnabiç i kërkon ndihmë BE-së për ish-policin serb të arrestuar në Veri