Akuzat për gjenocid në Gaza, Turqia lëshon urdhër arresti për Netanyahun

Turqia ka lëshuar urdhër-arreste për akuza për gjenocid kundër kryeministrit izraelit, Benjamin Netanyahu, dhe zyrtarëve të lartë brenda qeverisë së tij.

Midis 37 të dyshuarve të listuar ishin ministri izraelit i mbrojtjes, Israel Katz, ministri i sigurisë kombëtare, Itamar Ben-Gvir dhe shefi i ushtrisë, gjenerallejtënant Eyal Zamir, thuhet në një deklaratë nga zyra e prokurorit të Stambollit, e cila nuk e publikoi listën e plotë.

Turqia i ka akuzuar zyrtarët për “gjenocid dhe krime kundër njerëzimit”, të cilat Izraeli i ka “kryer sistematikisht” në Gaza.

Deklarata i referohet gjithashtu “spitalit të miqësisë turko-palestineze”, të ndërtuar nga Turqia në Rripin e Gazës dhe të bombarduar nga Izraeli në mars.

Izraeli e denoncoi urdhër-arrestin si një “mashtrim PR”.

Gideon Saar, ministri i jashtëm, tha në X: “Izraeli e kundërshton me vendosmëri, me përbuzje, marifetin e fundit të marrëdhënieve me publikun nga tirani “presidenti Rexhep Tajip Erdogan”.

Turqia vitin e kaluar iu bashkua çështjes së Afrikës së Jugut që akuzonte Izraelin për gjenocid në gjykatën ndërkombëtare të drejtësisë .

Një armëpushim i brishtë ka qenë në fuqi në territorin e shkatërruar palestinez që nga 10 tetori, si pjesë e planit rajonal të paqes të Donald Trump.

LEXONI GJITHASHTU:

• Zbulohet në Turqi depozita e arit me vlerë 1,7 mld dollarë
• Dënohet me burg të përjetshëm pronari i hotelit ku humbën jetën 78 persona në Turqi